Bakının Səbail rayonunda sərnişinin pul kisəsini oğurlayan avtobus sürücüsü N. İslamov saxlanılıb. Məlum olub ki, 34 yaşlı sürücü sərnişin qismində əyləşən şəxsin 220 manat və bank kartını talayıb və kartla alış-veriş edib. Paytaxtda 27 yaşlı T. Quliyev də vətəndaşın bank kartından oğurluq etməkdə şübhəli bilinərək saxlanılıb. Hər iki faktla bağlı araşdırmalar davam edir.