Balakən polisi 17 yaşlı qızı oğurlamaqda şübhəli bilinən 50 yaşlı Samir Rəhimovu, əvvəllər də məhkum olunmuş 26 yaşlı Toğrul Səmədlini və 21 yaşlı Nihat Qarayevi tutub. Zərərçəkmiş isə polis əməkdaşları tərəfindən gizlədiyi ünvandan aşkar olunaraq ailə üzvlərinə təhvil verilib. Araşdırmalarla Samir Rəhimovun bir neçə gün əvvəl xarici ölkədən gələrək digər saxlanılanlarla birlikdə xanımı izlədiyi və evlənmək məqsədilə onu oğurladığı müəyyən edilib. Faktla bağlı cinayət işi başlanılıb, istintaq tədbirləri davam etdirilir.