Baş prokuror yanında Korrupsiyaya qarşı Mübarizə Baş İdarəsində Bakı Şəhəri Qaradağ Rayon İcra Hakimiyyəti başçısının müavini Nadir Muradov və digər vəzifəli şəxslərin qanunsuz hərəkətləri ilə bağlı keçirilmiş əməliyyat tədbirləri nəticəsində cinayət işi başlanıb. Toplanmış ilkin sübutlar əsasında təqsdirləndirilən şəxslər Nadir Muradov, Qafar Abdullayev və Zülfüqar Mansurovun barəsində məhkəmənin qərarı ilə həbs, İsa Şəmsəliyev və Rəşad Nadirli barəsində isə polisin nəzarəti altına vermə qətimkan tədbirləri seçilib. Təqsdirləndirilən şəxslərə Azərbaycan Respublikası Cinayət Məcəlləsinin, qabaqcadan əlbir olan bir qrup şəxs halında təkrarən və külli miqdarda rüşvət alma maddələri ilə ittiham elan edilib. Bu barədə məlumatı Baş Prokurorluq yayıb.