2026-cı ilin fevralında Bakı şəhərində Birinci Türkoloji Qurultayın 100 illiyi tamam olur. Prezident İlham Əliyev bununla bağlı sərəncam imzalayıb. Sərəncama əsasən, Mədəniyyət Nazirliyi, AMEA və Elm və Təhsil Nazirliyi yubileyə dair tədbirlər planı hazırlayacaq. Birinci Türkoloji Qurultay türk xalqlarının mədəni inteqrasiyasında və türkologiyanın inkişafında mühüm rol oynayıb, latın qrafikası əsasında vahid ümumtürk əlifbasına keçid məsələsini gündəmə gətirib. Qurultayın ideyaları müasir dövrdə də uğurla həyata keçirilir, Türk dünyasında əməkdaşlıq və qardaşlıq münasibətləri möhkəmlənir.