“Xiaomi”, ağıllı çətirini təqdim edib. "Xiaomi Risetime" elektron çətiri, istifadəçi heç bir güc tətbiq etmədən avtomatik olaraq açıla, bağlana və şarj oluna bilər.

“Xiaomi Risetime” ağıllı çətiri, cəmi 2 saniyə ərzində avtomatik açılıb-bağlana bilən bir quruluşa malikdir. İdarəetmə üçün iki düymə var. Batareya isə 150 açıb-bağlama dövrünü təmin edə bilir və 1.5 saat ərzində tam doldurulur.

180 gün gözləmə müddəti olan çətiri bir dəfə şarj etməklə bütöv bir yağışlı mövsüm boyunca istifadə etmək mümkündür. Çətirin şarjı bitdikdə siz yalnız onu bağlaya bilərsiniz. Manual şəkildə açmaq isə mümkün deyil. Onu yenidən doldurmaqla yenidən istifadə etmək olar. Güclü küləyə davamlı olan və UV şüalarını ən yüksək səviyyədə bloklayan çətirin qiyməti 18 dollardır.