![](http://mail.kepeztv.az/sites/default/files/styles/newsdetail/public/%E2%80%9CWhatsApp%E2%80%9Dda-metnlerle-suni-intellekt-esasl--shekil-yaratmaq-olacaq.jpg?itok=XjbbY1Ja)
WhatsApp-ın Android beta versiya kodu 2.24.14.13-də süni intellekt tərəfindən dəstəklənən şəkil yaratma vasitəsi aşkar edilib. İnkişaf mərhələsində olan funksiya, istifadəçinin daxil etdiyi mətnlərə əsasən şəkillər yarada biləcək.
WhatsApp-ın süni intellektlə şəkil yaratma xüsusiyyəti, öyrəşdiyimizdən fərqli olacaq. Belə ki, WABetaInfo-nun verdiyi açıqlamaya görə, istifadəçilər əvvəlcə öz fotolarını süni intellektə göndərəcək, daha sonra isə hansı görüntünü yaratmaq istədiklərini qeyd edəcəklər. İstifadəçi, süni intellektə göndərdiyi şəkilləri daha sonra silə də biləcək.
Əldə edilən məlumata görə, WhatsApp-ın süni intellekt tərəfindən dəstəklənən şəkil yaratma vasitəsi istifadəçiyə tam nəzarət haqqı verəcək. Başqa sözlə desək, istifadəçi süni intellektin yaratdığı şəkilləri saxlayaraq başqası ilə və ya digər platformalarda paylaşa biləcək. Yuxarıdakı ekran görüntüsünə əsasən, söhbət zamanı "Imagine me..." və ya "@Meta AI Imagine me..." əmrindən istifadə edərək süni intellektə əmrlər verə biləcəksiniz.
WhatsApp-ın yeni funksiyasının nə vaxt istifadəyə veriləcəyi ilə bağlı heç bir açıqlama verilməyib. Beləliklə, süni intellekt tərəfindən dəstəklənən görüntü yaratma vasitəsinin son istifadəçiyə nə vaxt çatacağı hələlik bəlli deyil.
- Baxış: 729