Gəncədə toyda düşən mübahisə zəminində 4 nəfərə bıçaq xəsarəti yetirməkdə şübhəli bilinən şəxslər saxlanılıblar. Gəncə Şəhər Baş Polis İdarəsinin 1-ci Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində 2002-ci il təvllüdlü Samir Musayev və 2001-ci il təvəllüdlü Cəfər Cəfərov saxlanılaraq istintaqa təhvil verilib. Hadisə nəticəsində Göygöl rayon sakini, 1972-ci il təvəllüdlü Kəpəz Əliquliyev, 1983-cü il təvəllüdlü Akif Rüstəmov, 1994-cü il təvəllüdlü Pərviz Eyvazov və 1992-ci il təvəllüdlü Əli Musayev bıçaqlanıblar. Onlar xəstəxanaya yerləşdiriliblər.