"Avro-2024"ün seçmə mərhələsinə yekun vurulub. Son oyun günündə B, D və İ qruplarında, ümumilikdə, yeddi görüş baş tutub. Final mərhələsinə vəsiqəni daha əvvəl təmin edən Türkiyə millisi D qrupundakı son matçında Uelsin qonağı olub. Matçda qalib müəyyənləşməyib - 1:1. Neko Uilyamsın 7-ci dəqiqədə vurduğu qola 70-ci dəqiqədə Yusuf Yazıcı penaltini dəqiq yerinə yetirməklə cavab verib. Qrupun digər oyununda Xorvatiya millisi evdə Ermənistana qalib gələrək, adını final mərhələsinə yazdırıb.