UEFA Çempionlar Liqasının qrup mərhələsində III tura yekun vurulub. Turun mərkəzi qarşılaşması F qrupunda gerçəkləşib. PSJ Fransada İtaliyanın "Milan" klubunu 3:0 hesabı ilə üstələyib. Meydan sahiblərindən qolları Kliyan Mbappe, Muani və Li Kanq vurub. Bu qrupun digər matçında Dortmund "Borussiya"sı İngiltərədə "Nyukasl"ı məğlub edib - 1:0.

H qrupunda “Barselona” doğma meydanda “Şaxtyor”u qəbul edib. Maraqlı mübarizə şəraitində keçən oyun katalonların 2:1 hesablı qələbəsi ilə başa çatıb. İlk yarıda Barsadan Torres və Lopes fərqlənib. Qonaqların təsəlli qoluna ikinci hissədə Sudakov imza atıb.