Göygöldə də ölüm və xəsarətlə nəticələnən ağır yol qəzası baş verib. Hadisə Göygöl-Toğanalı-Kəlbəcər yolunun rayonun ərazisindən keçən hissəsində qeydə alınıb. Hərəkətdə olan "KamAZ" markalı yük maşını ilə "VAZ" markalı minik maşını toqquşub. "VAZ"da olan sərnişin,1975-ci il təvəllüdlü Müşviq Bayramov dünyasını dəyişib. 1998-ci il təvəllüdlü Tahirli Xalay Malik oğlu, həmyaşıdları Məmmədov Bayram Vəli oğlu və Hüseynli Elgün Mübariz oğlu xəsarət alıblar. Yaralılar xəstəxanaya yerləşdiriliblər. Faktla bağlı araşdırma aparılır.