Bir neçə gün öncə komandanın sükanı arxasına Azər Məmmədovu gətirən “Kəpəz” yeni mövsüm üçün ilk transferini də reallaşdırıb. Klub Vurğun Hüseynovu heyətinə cəlb edib.

Mərkəz müdafiəçisi ilə rəsmi müqavilə mərasimi Gəncə şəhər stadionunda keçirilib. Baş məşqçi Azər Məmmədovun da iştirak etdiyi tədbirdə təcrübəli oyunçu ilə 1 illik anlaşma imzalanıb. Rəsmi müqaviləyə imza atıldıqdan sonra futbolçu keçidini dəyərləndirib. 

Transferlə bağlı danışan baş məşqçi Azər Məmmədov Vurğun Hüseynovun komandaya  kömək edəcəyinə inandığını deyib.

Tovuz futbol məktəbinin yetirməsi olan Vurğun Hüseynov son olaraq “Sumqayıt”ın heyətində kapitan olaraq çıxış edib. Son mövsüm gənclik şəhərinin heyətində 1 dəfə qapıya düşən 35 yaşlı oyunçu 25 görüşdə forma geyinib. Sarı-göylər bundan öncə ötən il komandada yer alan Elçin Əlicanovla müqaviləni yeniləyib.

Orxan Cəfərzadə