Samuxda Ümummilli Lider Heydər Əliyevin 100 illik yubileyi təntənə ilə qeyd olunub. Tədbir iştirakçıları əvvəlcə dahi rəhbərin abidəsi önünə gül dəstələri düzüb, əziz xatirəsi ehtiramla yad ediblər. Heydər Əliyev Mərkəzində Ulu Öndərin həyat və fəaliyyətinin müxtəlif dövrlərini özündə əks etdirən və məktəblilər tərəfindən hazırlanan əl işlərinə baxış keçirilib. Heydər Əliyevin nəsillərə nümunə olan şərəfli ömür yolundan, müasir müstəqil Azərbaycan dövlətinin güclənməsinə xidmət edən fəaliyyətindən geniş danışıb. Həyatını xalqa və dövlətin müstəqilliyinə həsr edən dahi şəxsiyyətin misilsiz xidmətlərinin bu Azərbaycanı möhkəm və qüdrətli ölkəyə çevirdiyi xatırladılıb. Bu siyasətin Prezident İlham Əliyevin rəhbərliyi ilə uğurla davam etdirildiyi vurğulanıb. Sonda Ulu Öndərin həyat və fəaliyyətinə həsr olunmuş “Əsrin adamı” filmi təqdim edilib. Samuxda Heydər Əliyevin anadan olmasının 100-cü ildönümü ilə əlaqədar olaraq gənclərin hərbi yürüşü keçirilib, sakinlərin zövqünə oxşayan konsert proqramı təşkil olunub. Respublikamızın tanınmış incəsənət nümayədələrinin ifasında səsləndirilən vətənpərlik mahnıları xoş ovqat yaradıb. Konsert möhtəşəm atəşfəşanlıqla yekunlaşıb.