Müdafiə naziri general-polkovnik Zakir Həsənov da Gürcüstanın müdafiə naziri Cuanşer Burçuladze ilə görüşüb. Görüşdə Azərbaycan, Türkiyə və Gürcüstan arasında ikitərəfli və üçtərəfli hərbi əməkdaşlığın inkişaf perspektivlərindən danışılıb, həmçinin birgə təlimlərin və işçi görüşlərin intensivliyinin artırılması barədə ətraflı fikir mübadiləsi aparılıb. Geniş tərkibdə keçirilən görüşdə Azərbaycanla Gürcüstan Hökumətləri arasında müdafiə sahəsində əməkdaşlıq haqqında Saziş imzalanıb.