Kəlbəcər Rayon Polis Şöbəsinə rayonun Qılınclı kəndi ərazisində “Niva” markalı avtomobilin idarəetməni itirərək Tərtər çayına aşması barədə məlumat daxil olub. Dərhal polis əməkdaşları hadisə yerinə gələrək müvafiq araşdırmalar aparıb. İki mülki vətəndaş və bir hərbçi avtomobildən çıxarılıb. Hərbçi və digər sərnişin F.Hüseynova xəsarət alsa da, sürücü, 1981-ci il təvəllüdlü Nurlan Babayev həyatını itirib. Faktla bağlı araşdırmalar davam etdirilir.