Ümummilli lider Heydər Əliyevin 100 illik yubileyi münasibətilə Gəncədə məktəblilər arasında şahmat və dama yarışları keçirilib. Birincilik Gəncə Şəhər Gənclər və İdman Baş İdarəsi ilə 2 nömrəli Uşaq-Gənclər İdman-Şahmat Məktəbinin birgə təşkilatçılığı ilə reallaşıb. Həm qız, həm oğlan iti zəka sahiblərinin qatıldığı yarışlarda 300-ə yaxın şahmatçı iştirak edib. Yekunda fəxri yer tutanlar diplomla təltif olunublar.