Samux Rayon Polis Şöbəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilinən rayon sakini Teymur Məmmədov saxlanılaraq polis şöbəsinə gətirilib. Onun üzərinə baxış keçirilən zaman külli miqdarda narkotik vasitə olan marixuana aşkar edilərək götürülüb. Götürülən maddi sübutlar ekspertizaya təqdim edilib. Saxlanılan şəxs ilkin ifadəsində bildirib ki, həmin narkotik maddəni Kür çayında sellofan torbanın içərisindən tapıb.