Gəncədə Türkiyə Respublikasının yaranmasının 99-ci ildönümü qeyd olunub. Məhsəti Gəncəvi Mərkəzində keçirilən tədbirdə Gəncə şəhər və ətraf rayonların rəhbərləri, şəhər ictimaiyyəti və ziyalılar iştirak ediblər. Türkiyə Prezidenti Rəcəb Tayyib Ərdoğanın Cümhuriyyətin 99-ci ildönümü münasibətilə Türkiyənin xarici ölkələrdəki diplomatik nümayəndəliklərinə göndərdiyi məktub oxunub. Azərbaycanla Türkiyənin hər zaman bir birlərinə dəstək olduğundan danışılıb. Türk xalqının istiqlal mübarizəsindən, Türkiyə Cümhuriyyətinin bugünkü inkişaf və tərəqqisindən söz açılıb.