Gəncədə Vətən müharibəsi şəhidi Rauf Əsgərovun xatirəsi anılıb. Bu münasibətilə qəhrəmanımızın yaşadığı binanın önündə istirahət güşəsi istifadəyə verilib. Tədbirdə şəhid valideynləri, qazilər, məktəblilər, şəhər ictimaiyyətinin nümayəndələri iştirak ediblər. Üç övladını Vətənə əmanət edərək torpaqlarımızın azadlığı uğrunda döyüşlərə qatılan qəhrəman oğul Rauf Əsgərovun döyüş yoluna nəzər salınıb, xatirəsinə bəstələnən musiqi səsləndirilib, məktəblilərin ifasında şeirlər təqdim edilib.