Gəncədə xəsarətlə nəticələnən yol qəzası olub. Hadisə şəhərin Üzeyir Hacıbəyov və Zülfi Hacıyev küçələrinin kəsişməsində qeydə alınıb. "Hyundai" markalı minik avtomobili 1969-cu il təvəllüdlü Elşən Hümbətovun idarə etdiyi "Mercedes" markalı yük maşını ilə toqquşub. Qəza zamanı "Hyundai"da olan sərnişin - şəhid Orxan Həsənovun anası 1967-ci il təvəllüdlü Gülbəniz Həsənova xəsarət alıb. Əraziyə çağırılan təcili tibbi yardım briqadası yaralıya ilkin tibbi yardım göstərib, daha sonra isə xəstəxanaya çatdırılıb. Faktla bağlı araşdırma aparılır.