Ölkənin bir sıra şəhər və rayonlarında olduğu kimi Gəncədə də Dövlət İmtahan Mərkəzi tərəfindən ali təhsil müəssisələrinə 1 və 4-cü ixtisas qrupları üzrə 2-ci cəhd qəbul imtahanı keçirilib. Nizami yurdunda imtahan 6 binada baş tutub. Prosesə 6 ümumi rəhbər, 19 imtahan rəhbəri və 137 zal nəzarətçisi cəlb olunub. Ümumilikdə sözügedən ixtisas qrupları üzrə Gəncədəki imtahanda 1444 abituriyent qeydiyyatdan keçib. 30-dan çox şəxs imtahanda iştirak etməyib.