Gəncə Dövlət Universitetində Ulu Öndər Heydər Əliyevin anadan olmasının 99 illiyinə və Milli Qurtuluş gününə həsr olunan beynəlxalq elmi konfrans öz işinə başlayıb. “Müasir təbiət və iqtisad elmlərinin aktual problemləri” mövzusundakı konfransda dahi şəxsiyyətin Azərbaycanın çətin anlarında öz xilaskarlıq missiyasını şərəflə yerinə yetirdiyi, siyasi varisi Prezident İlham Əliyevin ata vəsiyyətini yerinə yetirərək Qarabağ torpaqlarını düşməndən azad etdiyi xüsusi vurğulanıb. Heydər Əliyevin Azərbaycana rəhbərlik etdiyi bütün dövrlərdə elmi kadrların hazırlanmasında gördüyü işlərdən danışılıb. Dünya üçün aktuallığı ilə seçilən konfransda 10 ölkədən 60-a yaxın alimin iştirak etdiyi vurğulanıb. Müzakirə olunan mövzu ilə bağlı təqdim olunan 560 məruzənin 5 cildlik jurnallarda çap edildiyi bildirilib. 2 günlük konfrans 13 bölmədə öz işini davam etdirir.