Gəncə şəhər Ağsaqqallar Şurasının illik hesabat konfransı keçirilib. Şuranın İdarə Heyətinin üzvlərinin iştirak etdiyi konransda  ağsaqqalların ölkəmizin ictimai-mədəni həyatındakı əhəmiyyətli rolundan, yaşlı nəslin nümayəndələrinə göstərilən dövlət qayğısından danışılıb. Gənclərin dövlətə, xalqa sədaqət ruhunda, zərərli təsirlərdən uzaq və sağlam əsaslar üzərində tərbiyəsi işində ağsaqqallara hər zaman böyük ehtiyacın olduğu diqqətə çatdırılıb. Ağsaqqal sözünün çox uca və dəyərli söz olduğunu qeyd edən natiqlər ağsaqqalların da hər zaman dövləti dəstəklədiyinə diqqət çəkiblər. Konfransda ağsaqqalların cəmiyyətdəki yüksək mövqeyindən bəhs edərək gələcəkdə də onların qarşısında duran əsas vəzifələrdən söz açılıb.