Qazaxda bədbəxt hadisə baş verib, xəsarət alanlar var)) Ötən gün Qazaxda bədbəxt hadisə baş verib. Quşçu Ayrım kəndində bacı-qardaş mal-qara otaran zaman hələ ki dəqiq bilinməyən partlayıcı aşkarlayıblar. Oğlan onu yerə çırpan zaman kiçik partlayış baş verib. Xəsarət alanlar 2010-cu il təvəllüdlü Nuriyev Cavad Mikayıl oğlu və onun bacısı, 2008-ci il təvəllüdlü Nuriyeva Nabad Mikayıl qızıdır. Yeniyetmə qızın vəziyyəti normal, qardaşınınkı isə kafi qiymətləndirilir. Faktla bağlı araşdırmalara başlanılıb.