Ağstafaçay Sağsahil Magistral Kanalında səhər saatlarında qəza olub. Magistral kanalın döşəməsinin bir hissəsi çöküb. Nəticədə Qazax rayonunun Qarapapaq kəndinin bir neçə evinin həyətyanı sahəsi su altında qalıb. Ağstafaçay Su Qovşağı İstismar İdarəsi və Ağstafa Rayon İcra Hakimiyyətinin nəzdindəki Fövqəladə komissiya yaranan vəziyyətlə bağlı hərəkətə keçib. Kanalın suyu dayandırılıb.