Gəncədə şəhid, polkovnik-leytenant Rasim Abdullayevin şeirlərindən ibarət "Son Nida" kitabının təqdimatı olub. Kəlbəcər mədəniyyət sarayında baş tutan tədbirdə ali zirvəyə ucalan hərbçinin yaşadığı keşməkeşli həyatından, fikir və düşüncələridən, hərb sahəsindəki şücaətindən danışılıb. Təqdimatda Kəlbəcər rayonunun Milli kəndində anadan olan Rasim Abdullayev haqda videoçarx da nümayiş etdirilib. Tibb xidmət rəisi olaraq Vətən müharibəsində iştirak edən polkovnik-leytenant 46 yaşında Şuşa şəhəri yaxınlığında şəhidlik zirvəsinə yüksəlib. Rasim Abdullayev ölümündən sonra “Vətən uğrunda”, Şuşa, Xocavənd, Füzuli və Cəbrayılın işğaldan azad olunmasına görə medalları ilə təltif edilib.