Dövlət İmtahan Mərkəzi 16-17 apreldə ümumi orta təhsil səviyyəsi üzrə buraxılış imtahanları keçirəcək. İmtahanlar saat 11:00-da başlanır. İmtahanların başlanmasına 15 dəqiqə qalmış buraxılış rejimi başa çatır. Bundan sonra gələn iştirakçılar imtahan binasına buraxılmır. Kütləviliyin və təmas hallarının qarşısının alınması məqsədilə imtahan iştirakçıları üçün müxtəlif daxilolma vaxtları müəyyən edilib. Aprelin 16-da keçiriləcək imtahanda 23 min 107, aprelin 17-də keçiriləcək imtahanlarda isə 21 min 749 nəfər olmaqla, ümumilikdə 44 min  856 şagirdin iştirakı nəzərdə tutulur.