Naftalanda “ilaxır çərşənbə” şəhid və qazi ailələri ilə birgə bayram şəklində qeyd edilib. Novruzu milli varlığımızın rəmzi kimi dəyərləndirən Şəhər İcra Hakimiyyətinin başçısı Vüqar Novruzov zəfərlə başa çatan Vətən müharibəsi qəhrəmanlarının övladları ilə birgə bayramı qeyd etməyin əhəmiyyətini önə çəkib. Qarabağın mənfur düşməndən təmizlənməsində Naftalanın igid oğullarının rəşadətindən danışılıb, torpaq uğrunda canlarından keçən şəhidlərin əziz xatirəsinin xalqımız tərəfindən daim uca tutulduğu vurğulanıb. Tədbir iştirakçıları Novruz adət-ənənələrini özündə əks etdirən, həmçinin vətənpərvərlik mövzusunda çəkilən rəsm əsərlərindən ibarət sərgiyə baxış keçirdikdən sonra şəhid və qazi ailələrinə qiymətli hədiyyələr təqdim olunub. Həmçinin, əməkdar artist Bəhram Bağırzadənin kitabları müəllif tərəfindən azyaşlı oxuculara hədiyyə edilib. Alovlandırılan möhtəşəm Novruz tonqalının hərarəti, Keçəl və Kosanın şən zarafatları tonqal ətrafına yığışan uşaqlar tərəfindən böyük coşğu ilə qarşılanıb. Tədbir iştrakçıları respublikanın inkişafı, xalqımızın xoşbəxt gələcəyi naminə gördüyü böyük işlərdə dövlət başçısı İlham Əliyev və Birinci vitse-prezident Mehriban Əliyevaya uğurlar arzulayıblar.