• KƏPƏZ TV
    canlı yayım
Bu günə xəbərlərin oxunma sayı: 725
— 03.03.2022 11:09

Gəncədə narkokuryerdən dəyəri 350 min manatdan çox olan heroin götürülüb

KepezTV Player

Gəncə şəhər Baş Polis İdarəsinin Cinayət Axtarışı İdarəsinin və Narkotiklərlə Mübarizə Bölməsinin əməkdaşlarının keçirdikləri birgə əməliyyat-axtarış tədbirləri nəticəsində əcnəbi ölkədən qeyri-qanuni yolla ölkə ərazisinə gətirilmiş narkotik vasitəni onlayn yolla sifariş kimi qəbul edərək çatdırılmasını təmin edən narkokuryer saxlanılıb. Araşdırmalar zamanı məlum olub ki, Bakı şəhər sakini Faiq Məmmədzadə sosisal şəbəkələr üzərindən İran vətəndaşından Gəncə ərazisində gizlədilən narkotik vasitəni müəyyən məbləğ qarşılığında Bakı şəhərinə aparmağa razılaşıb. F.Məmmədzadə Gəncə şəhərində saxlanılaraq Baş Polis İdarəsinə gətirilən zaman əlindəki sellofan torbadan qara bazarda dəyəri 350 min manatdan çox olan ümumi çəkisi 5 kq 156 qram heroin aşkar olunaraq götürülüb. İstintaq zamanı həmin şəxsin daha əvvəllərdə digər şəhər və rayonlarda narkokuryerlik etməsi məlum olub. Faktla bağlı zəruri istintaq-əməliyyat tədbirləri davam etdirilir.