• KƏPƏZ TV
    canlı yayım
Bu günə xəbərlərin oxunma sayı: 798
— 04.02.2022 15:50

Rayon sakinindən narkotik və silah aşkar edilib

KepezTV Player

Tovuz rayon Polis Şöbəsinin əməkdaşlarının keçirdikləri uğurlu əməliyyat tədbirləri nəticəsində qanunsuz olaraq narkotik vasitə əldə edib saxlamaqda şübhəli bilinən, əvvəllər məhkum olunmuş, rayon sakini Tariyel Tağıyev saxlanılıb. Onun üzərinə və yaşadığı fərdi yaşayış evinə baxış keçirilən zaman narkotik vasitə olan tiryək aşkar edilərək götürülüb. Davam etdirilən istintaq-əməliyyat tədbirləri nəticəsində saxlanılan şəxsin qanunsuz olaraq odlu silah əldə edib saxlaması da məlum olub. Polis əməkdaşları fərdi yaşayış evindən 1 ədəd istifadəyə yararlı “makarov” tipli tapança, həmin tapançaya aid 2 ədəd 9 mm-lik patron və bir ədəd sandıqca aşkar edib. Saxlanılan şəxs maddi sübutlarla birlikdə istintaqa təhvil verilib, faktla bağlı araşdırmalar davam etdirilir.