Goranboyda yol-nəqliyyat hadisəsi baş verib. Qəza Bakı-Qazax magistral yolunun rayonun Borsunlu kəndindən keçən hissəsində qeydə alınıb. "Mercedes" markalı minik avtomobili "Shacman" markalı yük maşınına arxadan çırpılıb. Qəza zamanı minik maşınında olan iki nəfər xəsarət alaraq xəstəxanaya yerləşdirilib. Yaralıların vəziyyətinin kafi olduğu bildirilir. Fakt araşdırılır.