Şəmkir Regional Mədəniyyət İdarəsinin Göygöl üzrə nümayəndəliyinin təşkilatçılığı ilə reallaşan tədbir rayonda yerləşən Mədəniyyət Evində baş tutub. Burada dahi şairin bütün dünyada tanındığı və onun əsərlərinin əksəriyyətində sülh, əmin-amanlığın öz əksini tapdığı diqqətə çatdırılıb. Tədbirdə t'qdim edil'n ədəbi-bədii kompozisiyalarda Nizami Gəncəvi obrazı iştirakçıları salamlayıb, daha sonra dahi şairin "Xəmsə"sindən müxtəlif səhnəciklər nümayiş etdirilib. Həmçinin, şeyxin yaradıcılığındakı şeirlər həm muğam, həm də musiqi formasında ifa olunub.