Xarici İşlər Nazirliyi Azərbaycanın İslam Əməkdaşlığı Təşkilatına üzvlüyünün 30-cu ildönümü münasibətilə bəyanat yayıb. Bəyanatda təşkilatla münasibətlərin inkişafı və əməkdaşlığın genişləndirilməsinin ölkəmizin xarici siyasət prioritetlərinə daxil olduğu və davamlı addımlar atıldığı bildirilir. İƏT tərəfindən keçmiş Ermənistan-Azərbaycan münaqişəsi ilə bağlı Azərbaycanın beynəlxalq hüquqa əsaslanan mövqeyinə verdiyi dəstəyi yüksək dəyərləndirir. Qurumun 44 günlük müharibə zamanı ictimai bəyanatları ilə Azərbaycanın ədalətli mövqeyini dəstəklədiyi, bunun bölgədə davamlı sülhün və əminamanlığın təmin olunmasına töhfə olduğu qeyd olunur.