Müdafiə Nazirliyi Kəlbəcər rayonunun İstibulaq kəndindən videogörüntülər yayıb.1993-cü ildə Ermənistan Silahlı Qüvvələri tərəfindən işğal edilən kənd məlum üçtərəfli bəyanata əsasən, 2020-ci ilin 25 noyabrında azad olunub.İstibulaq kəndi dağətəyi ərazidədir. Yaşayış məntəqəsi qonşu Çaylı kəndindən köçmüş ailələrin İstibulaq adlı mineral bulağın yaxınlığında məskunlaşması nəticəsində yaranıb. Bir məlumata görə, kəndin adı əvvəllər Üstübulaq olub.