Azərbaycanda Dövlət Bayrağı Günüdür. Bu gün Prezident İlham Əliyevin 17 noyabr 2009-cu il tarixli sərəncamına əsasən, qeyd edilir. Azərbaycan müstəqilliyini bərpa etdikdən sonra Dövlət bayrağı milli suverenliyin simvolu kimi ölkənin bütün vətəndaşları üçün müqəddəs dövlətçilik rəmzlərindən birinə çevrilib. Hazırda Azərbaycanın hər yerində olduğu kimi, azad edilmiş bütün torpaqlarımızda da şanlı bayrağımız dalğalanır.