Türkiyə Prezidenti Rəcəb Tayyib Ərdoğanın sabah Azərbaycana edəcəyi birgünlük işgüzar səfərin proqramı açıqlanıb. Türkiyə Prezident Administrasiyasının məlumatına görə,&nbsp;<br>Azərbaycan Prezidenti İlham Əliyevlə birlikdə Füzulidə Beynəlxalq Hava Limanının açılışına qatılacaq Ərdoğan&nbsp;avtomobil yolunun və Zəngilanda Türkiyənin də töhfəsi ilə tikiləcək "ağıllı aqropark"ın təməlqoyma mərasimində iştirak edəcək. Səfər çərçivəsində keçirilən görüşlər zamanı Türkiyə-Azərbaycan münasibətlərinin bütün aspektləri nəzərdən keçiriləcək, iki ölkə arasında əməkdaşlığın dərinləşdirilməsi ilə bağlı addımlar müzakirə olunacaq. Həmçinin aktual regional və beynəlxalq məsələlərin müzakirəsi də nəzərdə tutulur.