Tovuz Rayon Polis Şöbəsinə rayon sakininə məxsus fərdi yaşayış evindən oğurluq edilməsi barədə məlumat daxil olub. Həyata keçirilən istintaq-əməliyyat tədbirləri nəticəsində məlum olub ki, Bozalqanlı kənd sakini, əvvəllər məhkum olunmuş Rasim Məmmədov oktyabrın 22-də fərdi yaşayış evinə daxil olaraq oradan 8500 manat nağd pul oğurlayıb. Şübhəli şəxs maddi sübutlarla birlikdə saxlanılaraq istintaqa təhvil verilib. Araşdırmalar davam etdirilir.