Gəncə, Daşkəsən, Gədəbəy, Göygöl və Tovuza yağış yağıb, bəzi yerlərdə şimşək çaxıb. Saat 14:40 radələrində Gədəbəy rayonu ərazisinə və Gədəbəy rayonu Duzyurd kəndinə,  15:30 radələrində isə Daşkəsən rayonuna dolu yağıb. Dolunun diametri 6-8 mm olub. Güclü yağışdan sonra başlayan təbiət hadisəsi təxminən 5 dəqiqə davam edib. Tovuzun Kirən, Əhmədabad, Əsrik Cırdaxan və Yanıqlı kəndlərinə də leysan yağışdan sonra qısa müddətli dolu düşüb. Bəzi kəndlərə isə sel gəlib.