Gəncə futboluna ağır itki üz verib. Azərbaycanın veteran futbolçusu Müzəffər Qasımov 80 yaşında dünyasını dəyişib. Qasımov bu gün doğulduğu Gəncə şəhərində dəfn olunub. Mərhumun vida mərasimində ailə üzvləri ilə yanaşı, dostları, komanda yoldaşları, eləcə də Kəpəz futbol klubunun rəhbərliyi iştirak edib. Müzəffər Qasımov “Kəpəz”in Müşahidə Şurasının üzvü idi. Keçmiş oyunçunun karyerası əsasən Gəncənin “Dinamo” klubu ilə bağlı olub. Qocaman futbolçu bölgə təmsilçisində baş məşqçi kimi də fəaliyyət göstərib.