Müdafiə Nazirliyi Cəbrayıl rayonunun Dağ Maşanlı kəndindən videogörüntülər yayımlayıb. Qarabağ silsiləsinin ətəyində yerləşən yaşayış məntəqəsi maşanlı tayfasının dağlıq ərazidə məskunlaşması nəticəsində yaranıb. Oykonim "dağlıq ərazidə yerləşən Maşanlı kəndi" mənasındadır. 1993-cü ildə Ermənistan Silahlı Qüvvələri tərəfindən işğal edilən Dağ Maşanlı kəndi 25 oktyabr 2020-ci ildə Azərbaycan Respublikası Silahlı Qüvvələri tərəfindən işğaldan azad edilib.