Tovuzda ölümlə nəticələnən yol qəzası baş verib. Hadisə Bakı-Qazax magistral yolunun rayonun Düz Qırıxlı kəndindən keçən hissəsində qeydə alınıb. “ZİL" və "MAN" markalı yük maşınlarının toqquşması nəticəsində “ZİL”-in sərnişini Arif Həsənov dünyasını dəyişib. Xəsarət alanlar Ağstafa rayon sakinləri Yusif Kazımzadə və Elgün Həsənli Tovuz Rayon Mərkəzi Xəstəxanasına yerləşdirilib. Faktla bağlı araşdırma aparılır.