Göygölün Yeni Qıcılca kəndində qəza qeydə alınıb. “VAZ 21015” və "VAZ 2106" markalı avtomobillər toqquşub. Hadisə nəticəsində Daşkəsən rayon sakini, 28 yaşlı İsmayılov Tural Mətləb oğlu, Şamaxı rayon sakini, 20 yaşlı Ağacanov Məxsud Hikmət oğlu, 26 yaşlı Zeynalov Hasil Sahib oğlu və 28 yaşlı Asif Abbasov xəsarət alıb. Yaralılar Göygöl və Gəncə xəstəxanalarına yerləşdiriliblər. Faktla bağlı araşdırma aparılır.