Gəncədə də yol nəqliyyat hadisəsi baş verib. Olay şəhərin Şah İsmayıl Xətai prospektində qeydə alınıb.Hərəkətdə olan “Mercedes” markalı minik maşını ilə digər minik maşını toqquşub. 38 yaşlı Ramin Həsənov, 54 yaşlı Əvəz Məmmədov və 64 yaşlı Naib Əsədov xəsarət alaraq xəstəxanaya yerləşdirilib. Yaralıların vəziyyətinin kafi olduğu bildirilir. Hadisə yerinə DYP əməkdaşları cəlb olunub. Faktla bağlı araşdırma aparılır.