Təhsil Nazirliyi martın 3-dən 9-dək Azərbaycanda bağçalar, məktəblər və universitetlərin virusla əlaqədar fəaliyyətini dayandırması ilə bağlı məsələyə münasibət bildirib.Nazirliyin İctimaiyyətlə əlaqələr sektorunun müdiri Cəsarət Valehov deyib ki, yayılan məlumat yanlışdır, belə bir qərar yoxdur: "Xahiş olunur ki, ötənilki məlumatı bu illə uyğunlaşdırmasınlar. Tədris pandemiya səbəbindən ilk dəfə olaraq 3-9 mart 2020-ci ildə dayandırılmışdı.  Bu il isə 2021-ci ildir, dərslərimiz də öz qaydasında davam edir", - deyə nazirlik rəsmisi vurğulayıb.