Kür çayında batan Vətən Müharibəsi iştirakçısı Sadıxbəyli Ramin Qaçay oğlunun cəsədi tapılıb. Bu barədə Fövqəladə Hallar Nazirliyindən məlumat verilib. Yanvarın 31-də Nazirliyin "112" qaynar telefon xəttinə daxil olmuş zəng əsasında Kür çayının Mingəçevir şəhəri ərazisindən keçən hissəsində batdıqları ehtimal olunan Yusifov Səfxan Aydın oğlu və Sadıxbəyli Ramin Qaçay oğlunun axtarışları başlayıb. Ramin Sadıxbəylinin cəsədi bu gün günorta saatlarında Kür çayında tapılıb və çıxarılaraq aidiyyəti üzrə təhvil verilib. Səfxan Yusifovun axtarışları isə davam etdirilir.