Gəncədə günün axşam saatlarına doğru ikiotaqlı evdə yanğın hadisəsi baş verib. Gülüstan yaşayış massivində Aydın Nəbiyev küçəsində qeydə alınan yanğının qarşısının alınması üçün əraziyə yanğınsöndürənlər cəlb ediliblər. Həyata keçirilən tədbirlər nəticəsində alov söndürülüb. Hadisə nəticəsində xəsarət alan olmasa da, ev tamamilə yanıb. İlkin versiyaya görə yanğına səbəb qısa qapanma olub.