Müdafiə Nazirliyi Kəlbəcər rayonunun Otaqlı kəndindən görüntülər yayımlayıb.Otaqlı kəndi Dağətəyi ərazidədir. Kənd ağsaqqallarının söylədiklərinə görə, bir kişi öz oğlunu evləndirəndən sonra gəlin qocalara yaxşı baxmadığına görə, oğlanın atası oğluna və gəlininə onun evində yaşamalarına icazə vermir. Oğlan yaşayış yeri axtararkən meşədə üstü açıq olan köhnə tağbənd bir tikiliyə rast gəlir. Oğlan bu binanın üstünü örtüb öz ailəsi ilə orada məskən salır. Ona görə də kəndin adı otaqlı adlanır.