Son vaxtlar xüsusilə Bakı, Sumqayıt şəhərlərinin və Abşeron rayonunun ərazisində yaşayan və işləyən şəxslərin kütləvi şəkildə ailə üzvləri ilə birgə məhz həftəsonu və ya bayramqabağı ezamiyyə adı ilə ayrı-ayrı bölgələrdəki istirahət zonalarına getmələri müşahidə olunur. Daxili İşlər Nazirliyi vətəndaşları xəbərdar edir ki, belə şəxslər karantin postlarından buraxılmayacaqlar və sərtləşdirilmiş xüsusi karantin rejimi tətbiq olunan şəhər və rayonların ərazilərində, o cümlədən istirahət mərkəzlərində mütəmadi reydlər keçiriləcək. Bu zaman iş icazələrindən sui-istifadə edərək istirahət mərkəzlərində olan şəxslər aşkar ediləcəyi təqdirdə belə icazələr ləğv ediləcək, habelə onlar qanunvericiliyə uyğun olaraq, məsuliyyətə cəlb olunacaqlar.