Sosial şəbəkələrdə Bakı şəhəri 187 nömrəli tam orta məktəbin direktorunun doğum günü məclisi təşkil etməsi ilə bağlı video materiallar yayılıb. Təhsil Nazirliyi tərəfindən aparılan müvafiq araşdırma nəticəsində Nailə Məmmədovanın doğum günü münasibətilə məclis təşkil etdiyi məlum olub. Bununla əlaqədar olaraq, Məmmədovaya Təhsil nazirinin müvafiq əmri ilə sonuncu xəbərdarlıqla şiddətli töhmət verilib.