Goranboyun Kürəkçay qəsəbəsində güclü yanğın baş verib. Hadisə qəsəbə sakini 44 yaşlı Altay Verdiyvə məxsus, taxtadan tikilmiş evdə qeydə alınıb. Dərhal əraziyə FHN-in Goranboy Dövlət Yanğından Mühafizə Hissəsinin texnikası və canlı qüvvəsi cəlb olunub. Yanğın yaxınlıqdakı 3-4 evə də keçib. Hadisə nəticəsində ev sahibi Altay Verdiyev yanaraq dünyasını dəyişib. Onun həyat yoldaşı isə yanıq xəsarətləri alıb. Yanğın söndürülüb. Hadisənin dəqiq səbəbləri araşdırılır.