Ermənistanın hərbi-siyasi hakimiyyətinin dəfələrlə təkzib etməsinə baxmayaraq, işğalçı ölkənin ikinci Qarabağ müharibəsində əcnəbi muzdlulardan, o cümlədən terrorçulardan istifadə etməsinə dair yeni-yeni faktlar ortaya çıxmaqdadır.<br>Ayrı-ayrı ölkələrin ekspertləri, jurnalistləri sosial şəbəkələrdəki hesablarında Ermənistan ordusunun hərbi əməliyyatlara xaricdən cəlb etdiyi muzdlulara dair faktlar - məlumatlar, fotolar paylaşırlar. Daha iki belə paylaşım&nbsp;suriyalı siyasi şərhçi Kevork Almassian və&nbsp;jurnalist, hüquq müdafiəçisi Asaad Hannanın tvitterdəki&nbsp;hesabında yer alıb.&nbsp; Onlar Suriya Ərəb Respublikasından bir neçə döyüşçünün Qarabağ müharibəsində öldürüldüyünü açıqlayıb, həmin muzdluların foto və adlarını da təqdim edib.<br>Almassian&nbsp;Suriya Erməni İnqilab Federasiyasına istinadən yaxın vaxtlarda həlak olmuş üç əsgərin - Harut Panoyan, Hagop Astaryan və Mosik Seklemyan olduğunu açıqlayıb.